வணக்கம்!!

உலகெங்கும் பரந்து வாழும் தமிழ் உள்ளங்களுக்கு

வணக்கமும் வாழ்த்துகளும்!!

கடந்த பத்தாண்டுகளாக அமீரகத்தில் இயங்கிக் கொண்டிருக்கும் அமீரகத் தமிழ் மன்றத்தின் வலைப்பூவிற்கு உங்களை மிகுந்த மகிழ்ச்சியுடன் வரவேற்கிறோம்

2000ஆம் ஆண்டு ஜனவரி மாதம் 20ஆம் நாள் ஓர் உணவகத்தில் இணையம் வழி அறிமுகமான பத்து நண்பர்கள் கூடிப் பேசியபோது உருவானதுதான் ‘அமீரகத் தமிழ் இணைய நண்பர்கள் அமைப்பு’

அந்த காலகட்டத்தில்  கோலோச்சிக் கொண்டிருந்த தமிழ் இணையம் என்ற மின் மடல் குழுவில் எழுதிக் கொண்டிருந்த நண்பர்கள் கணினியில் தமிழ் குறித்த விழிப்புணர்வை அமீரகத்தில் இருப்பவர்களுக்கு உருவாக்குவதற்காக உருவான இவ்வமைப்பு பின்னர் மெல்ல மெல்ல விரிவடைந்து ‘அமீரகத் தமிழ் மன்றம்” எனப் பெயர் மாற்றம் கண்டு இப்போது பத்தாண்டுகளை நிறைவு செய்திருக்கிறது

இந்தச் சூழலில் இந்த அமைப்பின் செயல்பாடுகளையும் இவ்வமைப்பில் எல்லா வருடமும் வெளியிடப்படும் ஆண்டு மலர்களில் வெளியான சிறந்த படைப்புகளை உங்களோடு பகிர்ந்து கொள்ளவுமே இவ்வலைப்பூ

மீண்டும் சந்திக்கிறோம்!